Բողկը, լոռամրգին ու բազուկը արթրիտի դեմ

Արթրիտի տեսակները շատ են. տրավմատիկ, ալերգիկ, ինֆեկցիոն, տարիքային, հոդատապի կամ փսորիազի հետեւանք, երեխաների մոտ՝ յուվենալ եւ այլ: Առավել ծանր ընթացք է ունենում ռեւմատոիդ արթրիտի ժամանակ, որի դեպքում օրգանիզմի իմունային համակարգի կողմից սինթեզվող հատուկ նյութերն արթրիտի պատճառը վերացնելուց հետո խնդիրը չի վերանում ու շարունակում են «վնասել» օրգանիզմի առողջ բջիջները:

Արթրիտի նախանշաններն են. 

• մաշկի կարմրություն,
• ցավեր՝ հատկապես երկարատեւ անշարժ վիճակից հետո,
• ջերմություն՝ սուր ընթացքի դեպքում,
• շարժունակության սահմանափակում:

ՈԳԵԹՈւՐՄ

Հարկավոր է. 

• լոռամրգի՝ 500 գ,
• սեւ բողկ՝ 500 գ,
• բազուկ՝ 500 գ,
• կոնյակ՝ 500 մլ:

Պատրաստման եղանակը. մաքրած բողկն ու բազուկը կտրատեք, խառնեք լառամրգի հետ, հարեք բլենդերով: Հարած հումքը՝ հյութի հետ միասին, ու կոնյակը լցրեք ապակյա տարայի մեջ, կիպ փակեք, 2 շաբաթ թրմեք մութ տեղում, քամեք քառատակ ծալած թանզիվով: Պահեք սառնարանում:

Օգտագործման կարգը. խմեք օրը 1 ճ. գ.՝ նախաճաշից 15 րոպե առաջ: Շարունակեք մինչեւ ոգեթուրմի վերջանալը:

ԶԳՈւՇԱՑՈւՄ: Զարկերակային ցածր ճնշման, ստամոքսի էրոզիայի, խոցի դեպքում խորհրդակցեք բժշկի հետ:

Հարցեր, պատասխաններ, մեկնաբանություններ